تبلیغات
آیاپیر (خرم سعیدی ) - شعر بختیاری - مطالب ابر شعر نیمایی بختیاری
پنجشنبه 10 اسفند 1396

مندیر دیر

   نوشته شده توسط: خرم سعیدی    

«منیدیرِ دیری»

تا کِه هُو دیر ایا، چی بارون
مهِ غم سر ای نا،سر دلِ اَورِ سیا
کُهنه زَهمِ سر دل،سر واکی
پَرُو اِی زَی سرِ هَرُوِ تیه
زَئم زَوونِ ای خرس
سرِ نادِ سرِ شُون تیتُم رَه
تُرِزیری اِی رَه .
بی کسی و تینا
چُنُو هیدیم کِه تا،سایه بام نِخوره با
چی دِرهدی وِ پهیز
کُلک وُ پَر رهده هدیم بی شَولیز
شوق اَیه مَندِ وِ دل،چی  کوگ شوق
اُو طرف تر زیچو،تَش وُ چاله وا سیخ،هِد مندیر .

#خرم_سعیدی زمستان۹۶ خورشیدی

Ayapir2.ir
Telegram.me/khorram_saeedi


برچسب ها: مندیر دیر ، خرم سعیدی ، شعر نو لری ، سعر نو بختیاری ، شعر نیمایی بختیاری ،

جمعه 27 مرداد 1396

بی قَیتی

   نوشته شده توسط: خرم سعیدی    

" بی قَیتی "

آسمون زِندونی،بُرگلِس وُرمِنِ یَک
نیمدریس ری مرگ واز
اَفتوس کِز کِرده،وِ پَسِ کُهِ سیاهی اِز ترس
مَه پَنه بُردهِ پَسِ ، کــَرهِ چیری تینا
دُونِ نورِس مِنِ حُورس جَم بی
داسِ زَنگ زنگیه وِر دا وِ پَسِ تاپُو حُشک
کِشتِ کالِ شَونِ،پُک کُلُو خورده وِ کُل.
سَوزه پا دَس وُ دِلس هِد نامید
هَی غِرمنه وُ کُنه تُف نَعلت وی دَورون
زَحم کاری،ریِ کاردیم دلس جا خُش کی
نالِه هَی تُک اِکُنه اِز تیلس
جُور شَم هَی اَو اِبُو
تَکُلی،تاپُو وُ دَرفاس،پَتی اِز قیت هِدن
وِ گِمونم هَمی اَمروز صوا،هُو غُروفون اِکنه.
اُو طرف ارباوِ بی قَیت نِشَسه سرِ فیس
کیفسُون کُک،بال مَقل قُوریِ نادریس وا بافُور
کُلِ حُوراس پُرِ غَله وُ گَلس چاق وُ چِله
رَنگ وُ ری سُرفه هُو،خین دل بَزگرسه یا شُونه.

#خُرم_سعیدی تابستان۹۶
Ayapir2.ir


برچسب ها: خرم سعیدی ، شعر نو لری ، شعرنو بختیاری ، شعرنو لری بختیاری ، بی قیتی ، شعر نیمایی بختیاری ، شعر نیمایی لری ،

دوشنبه 23 مرداد 1396

مندیر نور

   نوشته شده توسط: خرم سعیدی    

" مَندیرِ نُور "

چُوپونِ آسمون
گله سه هَی کِی وِ شَوچَری
مِن بِکال اَو
چِرای بهون آسمون بِلیوست
پَلِ بُورس،زلف بهیگی وِ پیچ وُ تَو
خنجر فیروزهی بُرگس
دیوار وِ دیوار نور
دسس گردن دوای شو
مهتوِ وِ خو
زیر سایه چرتول آسمون
گو یو نشینیم مندیر رُوشناس.

#خُرم_سعیدی تابستان۹۶
Ayapir2.ir


برچسب ها: خرم سعیدی ، شعر نو لری بختیاری ، شعر نو لری ، شعر نیمایی بختیاری ، مندیر نور ،

پنجشنبه 8 تیر 1396

پیرونی

   نوشته شده توسط: خرم سعیدی    

ﺧﺮﻡ ﺳﻌﻴﺪﻱ:
" پیرُنی "
*هرچند از عناصر شعری تهی ست،اما روزگاری بخشی از روش درمان بوده*

جاوِری خط چپ دار
سر کتاوس ور داشت
طالهس چید و بگو
دلسیا کافر کُه،نظرس کرده یونه
دو سه بلگ قاقذِ شه پیسه بکی
یُون،حَویرس بِگر وُ پارچه سوز
سَر باهی راست کُرت بند دَدُوم
دُیمینه تُو بون وُر منِ یَه پاله اَوس دِه بخوره
دِو گُلو زاگ اسبید وا دینشت
دِر بدِه دَورِ سرس وَن منِ تَش
نِمکِ نَر،مِل گرگ،سَوز مُره
اِکِنم اَوسی وُ بندم دَم هر جُمبنده
تا چهل رُو نَخوره اِسبیدی
زیر دِرهدی نگدرده وِ شُمی
چارشمبد هُو نَریزه وِ خُس اَو
وِ جدم دی نکنه پیرونی.

#خرم_سعیدی تابستان۹۶ خورشیدی
Ayapir2.ir
Telegram.me/khorram_saeedi


برچسب ها: خرم سعیدی ، پیرونی ، شعر نو بختیاری ، شعر نیمایی بختیاری ، شعر لری بختیاری ،

یکشنبه 14 خرداد 1396

دالو شو

   نوشته شده توسط: خرم سعیدی    

خرم سعیدی:
« دالو شو »

شٙو،پٙسِ هٙف کُه سِه وِ خٙو
ویر روز،بلااویده مِن باد
پشت پوست شو
آساره یٙل پیر،اسیر
جُورٍ سٙرِ بریده وِ خٙو
نورِ سِوکِ مٙه،گوش تیز ای کی
دالوی گو:
گاشه سُوار اسبید پوش،
کیونوی صُو
پاپتی وِ ای برهوت
وِ پُشت شٙو درا
مین میدونِ شُمشیر شیون خین.

#خرم_سعیدی خورداد۹۶
Ayapir2.ir

Telegram.me/khorram_saeedi


برچسب ها: خرم سعیدی ، دالو شو ، شعر نو بختیاری ، شعر نیمایی بختیاری ، شعر نو لری بختیاری ،

یکشنبه 13 فروردین 1396

غم شون

   نوشته شده توسط: خرم سعیدی    

ﺧﺮﻡ ﺳﻌﻴﺪﻱ:
« غم شون »

دٙوٍ دٙس تنگی زِمین وُ اُو شٙوا پهن وُ فراغِ ای زمسون دِی رٙه
تٙرکی سردِ بهار،کُم شٙون،جِر ای دا
دٙم صُو داشت ابی رُستم زا (۱)
سٙر وُ کُول همه جا بِر ای زی
پیش پا صُو کِه نُک کُه بپِره
تیه چشمه اگشی وُر مٍن دشت
دل تنگ آسمون،گُلس هی واز ای بی
هیرد هیرد،گاه اِری خرس تیه.
شٙوچٙری،میسمِ میسون چارنی دی سٙر اُوی
شُون گله نِ اٍرُوند،مین علفچر کِه خٙری بی اٙرباو
پٙریون،کاردیم کالی وِ وٙرس،تُند کی پا
خٙر وُ شله نٍ اورد مین بکال گوشه قاش
تٙش وُتُنگی کِر اِشکفت بِنا هُو واکار
دٙس وِیرد،پاتیل شه نه بکشی اِز تُربه
بُز کالی کِه بِکِی تیشترزا،شیر جِک دُو وُ بکی راس لِوی
کُه تٙش هی ابلیوست وُ اچرنی وِ هوا
کِتری سِه وِ کِلس لُق ای کند
دٙس گرم کی کُپِ چاله وُ وُلانی وِ یک وُ کیف ای کی.
شُون غارنی کُوْ تُو کینی کِه وِ دیر داری ایای
سگِ هُشکُو هُو بکی،ناد وِ دٙو رٙه وِ جلو
سگ صحاوس اٙشنی،دیم نا وُرمنِ کا دُونگ ندا
پا وِ پا صاحوِ سایه هُو اُوی ری وِ گله.

#خُرم_سعیدی سیزده فرودین ۹۵


برچسب ها: خرم سعیدی ، غم شون ، شعر لری بختیاری ، شعر نو بختیاری ، شعر نیمایی بختیاری ،

پنجشنبه 10 فروردین 1396

بٙزیٙر ۲

   نوشته شده توسط: خرم سعیدی    


«بٙزیٙر ۲»

شٙوکُله نِ وٙرداشت
شال کٙد سست ای کی
سرِ وِرد سایه بٙنه
داسِ وا نُک زٙی گِل
ریس اِی گُوی تٙشک زیده انار
جُور مُور بی دینِ کار.
گِلی مٙشکِ گِری
اٙو قلا دٙریز کی
غُلغُل اٙو مین گِلی
قُرقُریس ای جُمنی
اٙو‌ وِ چیرٙوِ شُکه
دیم سِویلس ریسس
تٙهر اکی گٙردنسه کیف ای کی.
ای نیشت وا افتو
حُشک کی وا اُفتین
عرقِ بین دُو بُرگ
زیر لٙو هی ای خوند:
« گٙره وُ گٙرما»
«ای بی داد هی» 
« دلم زمنده»
« هر کی که گرنه کاشت»
« دا دا دا»
« نهلس نمهنه.....»
#خُرم_سعیدی    

Telegram.me/khorram_saeedi


برچسب ها: خرم سعیدی ، بٙزیر ، شعر نو بختیاری ، سعر نو لری بختیاری ، شعر نیمایی بختیاری ،

جمعه 26 آذر 1395

دا

   نوشته شده توسط: خرم سعیدی    


« دا »

هُو کِه چین شولار قِریس 

طَهنه وِ گُمب گُل ای زی

گیلِ میناس،ری گُشون افتو بی 

شُرنگ شُرنگ بَن سیزنس 

زُلال چَشمه سارون ،

مُهره ی دِلروای مینجا بُن ناس 

دلِ افتونه اَو اِی کِی

جَوونیسِ وا لِخلِخه هام وِ پیری گره زَی 

اسبیدی تُرنس وِ ری سیاهیم.

جُوون وَرگَرنِ گرمِ تَنیر سینس 

هِرنگ دلم بی 

هُو سی مُو مایه حیاته نه اَو .

یه حرف وُ دُو حرف وانمم نا

شاهِ کشور وجیدمه وُ نُمس حَک دِلم 

سایه شادی وُ غَمُمه وُ دلگرمی افتو تَنُم 

سَکُو، وا بُضغِ گِلی گِر گِلامون کِرده 

مین آسمون خیال،دین جوونی بلا اویدس گرده

#خرم_سعیدی پاییز۹۵ خورشیدی


برچسب ها: شعر نو محلی بختیاری ، شعر نو لری بختیاری ، شعر نو لری ، شعر نیمایی بختیاری ، خرم سعیدی ، دا ،

جمعه 28 خرداد 1395

گلامون

   نوشته شده توسط: خرم سعیدی    

خرم سعیدی:
" گِلامُون "

گِژ گُپِ شِئر پُكست 

بُو رُو گُلاوِ دَرد 

پِیتِستِ مِن وِلات

گُنگِ زَمونه مُون 

بُرِن زَوون وِ زُور 

دُوزن لَوان وِ قَهر 

دِرِن وِ ضَرب گُرز 

سَرخطِ گَوگرى 

مِین ای قفس دیه 

مُرغِ نَفس بمُرد 

اِز زادِ پِسه سَر 

پِرِسته هُوشِ وُ گوش 

گاشه كِه یَ وُلا 

كیخسروی پیا

وادیرمون بیا

یا یَ حكیم خُو 

جُورِ " بزرگمهر "

پُكنه كُرَو وِ دل 

خارِ جیر كشه  

یا جاوَنه دیه 

هُوشِ گُرودَنِ 

تا دِشمِنون خِجل 

وابُون وُ ناكسون.

#خرم_سعیدی بهار٩٥


برچسب ها: شعر نیمایی لری ، شعر نیمایی بختیاری ، شعر نو لری ، شعر نو بختیاری ، گلامون ، خرم سعیدی ،

پنجشنبه 8 بهمن 1394

چَپَو

   نوشته شده توسط: خرم سعیدی    

" چَپَو "

پشتِ افتو اِشكس
نُور جُور بُزِ كُهی، تند تند ای دونی
بادِ نَرم چی تنِ مار،سَر وُ گوش ای جُمنی
سایه سار هُو پَسین
خُوسه ری كاكُلِ بیون سیا ای ساهی
چند مِرد چی نَره غول
حظرات پسِ قاروون بنشین
واتفنگا سر دس،تیر تفنگ ای كردن
گله وَی بی وِ پِنه
سگ گله وِ شتاو
چی ستاره كِه بِكَنِه، هُو وِ دَو
جِلوِ مٍردِ غَریوِ ای بَس
وا یه تیر وَس وُ پِر وُ پیت ای كی
چارپایَل مِنِ مال سَرگَردو
شِهنه سخت اِ كردن وا یك
زِنگل ای گُون حَرمی زید وِ مال
لیك وُ چِر ای كِردن
اِستمِ زیر بیون خَونیدن
وُ بِرُمنین سَرِ تَلواره
تا تَریده نَبره
گله رَمه وُ كُلِ چارپایل
جَم بِكردن وَرُواندن اُونُو
گفترِ ای حضرات هی ایگو
تُو بِرون غارتله تا مو بخونم یه نماز
سال تنگ وُ همه جا قحط وُ قلا
آسمون دسس حشك،یه نمی پس نی دا
هُو كُلُو وَیده بخوره كُل علیق.
لَو وِ لَو قُلف بِزی خَرپنجه
اِنِیشت دینِ كُلِ دار وُ ندارس كِه ابردن اُونو.
پاسوون روز بدا جاسه وِ شَو
آساره وِ خجالت ای مال
سَرِ بُرده پَسِ اَور، عَرقِ سَرد وِ تیگ مینِ زِمِسُونِ سیا.

" خرم سعیدی زمستان٩٤"


برچسب ها: شعر نیمایی بختیاری ، شعر نیمایی لری بختیاری ، شعر نیمایی لری ، چپو ، تریده ، خرم سعیدی ،

یکشنبه 3 آبان 1394

تركی

   نوشته شده توسط: خرم سعیدی    نوع مطلب :شعر محلی بختیاری ،

"تَرِكی"

افتوِ زَوین،تا نشَسَنِ گِلی زِمین
دو نین،كم زیاد،قد قُواره داشت.
گُل گُلی و سوز وُ سیر، جُوه كُهِ، سَله سرد وِ سر
سَر وُ گوش یك نهاده بی.
گله بُزی وِ دیر، جور مورجلال وٍ قُچ
سر و زیر،مین سوزِماری كُهی ، سوزه ای بُری
شونِ گله بز،سی گلس،یا گذار روزگار
دی بلالِ تر،خوند و نی ازی و نم دل.
نور جور لوله تفنگ، نیزه ای كشی
لونه لونه بردلونِ كُه نه ای پایی
هُمكنار نور،گُلو گُلوی اورِ دوره گرد
بُن گِلی،میخ افتو پسین
تهل تُروش،كینه زار و بفته گیل یك
چی گدا سمچ
رَه ی كُهنه آسمون ای گِری.
قارچ تازه زیده دَر
چادری و گِل و سر
مین بُفِ تره و بُسور وا كلوس، سر ای كشی
بوی خوی مین كُه،افتوِ و هوش ابُو
مین خین خوس نشس گُرو
پشت كُه ی دی،زُواله اَو
شو و چی دزی سیا و دَو
گله وَی و مین قاش
شون،بز چپر به دُو
بال چاله هی كُنه لٍوی 
مین تَركی.
"خرم سعیدی پاییز٩٤" 
ayapir2.ir


برچسب ها: شعر لری ، شعر بختیاری ، تركی ، خرم سعیدی ، شعر نیمایی بختیاری ،

دوشنبه 1 مهر 1392

هُمدرد

   نوشته شده توسط: خرم سعیدی    

هُمدرد

 

بِنگشتی گُو                                               / گنجشکی گفت

گوش ِ دِلت کُجَنه                                         / گوش دلت کجاست

تا داغاداغ سیس بِخونم                                  / تا سرودی تازه برایش بخوانم

وِ درد ِ گُل ِ سوری کِه پا کِل دَهول                    / از داغ دل گل سرخی که کنار مترسک

مَندیر ِ بهاره .                                            / منتظر بهار است

گُودم، کـَخدای مال ِ خُمون– خروس_                / گفتم کدخدای آبادی ما-خروس-

سیم خُوند ِ چَن وُلا                                       / چندین مرتبه برایم آواز خواند

اما، مُو                                                     / اما من

دیر ِ گـُوشت                                              / بلا به دور

وِ گِلامون مُفتلام                                         / به بیماری سکوت مبتلا هستم

نَه تَرم وِ ویر ِ هُو، دیر اَوُم                             / نمی توانم از یاد او غافل شوم

قاو ِ پَتی ِ عیسس                                         / قاب خالی عکسش

دایم وِ دلم دَنگاله                                         / همیشه به دلم آویزان است

ری وِ ریس نادم                                          / رو بروی آن عکس گذاشته ام

دینشت، مِل ِ گرگ، نِمِک ِ نَر وُ سَوز مهره          / اسپند،موی گرگ، کریستال نمک و مهره سبز رنگ

تا تیه سُور ِ دلم، تیس نَکنه                             / تا چشم سرخ دلم،به او چشم زخم نزند


ادامه مطلب

برچسب ها: شعر نو لری بختیاری ، شعر نو لری ، شعر نیمایی بختیاری ، همدرد ، خرم سعیدی ، شعر بختیاری ،