شنبه 5 دی 1394

تمارزو

   نوشته شده توسط: خرم سعیدی    

"تهمارزو "

وَختی وا بهارِ نُور رَهدی

گُوی اِسبید مَه

میونِ دُو دَسِ كُهِ سیا وِ بَنده

هَوای اَوریشمی،وِ كالی زَنه

هِزاروون غَم،چی گَلِه مار

وِ جُون مُون زَی

دلِ خُوش نشین مُون

زِندونی شَو اَوی

نَشقِ قَشنگت،مین اَو تیه جُوریم

سُوار اسب خیال

تیای غمبارت وِ خَو بُوسیم

یاد تُرنه هاتِه وِ باد اَشنیم

مُستِ بَردینه وِ دل كُویم

دِرهدِ خین رَه اُوفته

اَمشو،آینه تیانه،سَر بَردِ سَرد كُویم

تا بَئد تو،هچی نبینیم

اَی آزادی .

" خرم سعیدی زمستان ٩٤ "


برچسب ها: شعر نو بختیاری ، شعر نو لری بختیاری ، شعر لری بختیاری ، شعر بختیاری ، تمارزو ، خرم سعیدی ،