تبلیغات
آیاپیر (خرم سعیدی ) - شعر بختیاری - مطالب ابر آسمونی مردم
پنجشنبه 14 بهمن 1395

آسمونی مردم

   نوشته شده توسط: خرم سعیدی    


«آسمونی مردم»

خٙوٍ خال خیالت
غُوار غم ریزه وِ دلِ بی قرار
اٙی بی سوزه زار،زمستونی بهار
دِهون تفنگت بی فریاد داد
لشکر اور کورت،سوار سینه کُه
سر گرم بازی سایه وُ زِمین
چی گله گرگی اٙویده وِ رٙم
بادِ بادلوی آواره بیاوون 
بی گرت لیله وِ دٙو
اِژدهای شو وُ کُه دٙس داده یک
چی دالوی پوز بسه و قهر
دشنت نشسه و پوست سینه
وا غیظ و غضو
خوشی مردم خورن
مین ای زمون شیم.

#خُرم_سعیدی زمستان۹۵خورشیدی


برچسب ها: شعر لری ، شعر بختیاری ، شعر لری بختیاری ، شعر نو بختیاری ، خرم سعیدی ، آسمونی مردم ،