سه شنبه 15 تیر 1395

غیرتی كر

   نوشته شده توسط: خرم سعیدی    



"ِ غیرتی كُر "

پِچ پِچی وَس وِ مال،كِه عَرو وَی سَرِ مرز

وِ شُمی تا دَمِ صُو لیز نَكِی

تَپِ تیلُون اِسپارد

دَس زینه وُ بِگُو

جُون تُو وَ جُون بَچَلُم

وِ همه ایل بگو،كِه حلالُم بكنن 

روز چی باد گُدشت 

گُم گُم تَول ای جنگ 

كَر كِی گوش جهون 

یَه چَوی پِشخ اَوی

كُر فُلونی كِه بِره جَنگ نُتُومِه 

بعد چَن سال اِوردن لارس 

كُتلی وارازنین 

نان واكار دُو دَس سازِ چَپی

زِنگَلِ مال،اَقه دِردن وُ بُریدن پَل سیس 

دالوی خُوند سُرو

" مُو بِمیرم سی كُر "

"سَرِ قَدس نید كِه دی " 

" چی نها هُمسرِ زینس بیوه "

#خرم_سعیدی تیر٩٥ خورشیدی


برچسب ها: شعر لر ، شعر لری بختیاری ، شعر بختیاری ، شعر نو لری ، شعر نو بختیاری ، غیرتی كر ، خرم سعیدی ،

یکشنبه 13 تیر 1395

تیه كال

   نوشته شده توسط: خرم سعیدی    



" تیه كال "

بلیطِ كال،سی ندار 

هُم بغلِ گُسنهیه 

جون وَرگرنه 

مِن سال قحط 

بَشخشِ پا طنافِ دار.

تیا كالت، بَلیطن 

تا جُونم وِ تاراج نَره .

اما، تیات سی دَولتمند 

عیسِ آسمونه وُ رُوِ رَوون 

چشمه زلاله وُ بُنگِ كوگ 

اَفتوِ وُ هِزارونِ دیه .

اما تیا كالت سی مو

بَلیطِ كالِ جُون وَرگرنن 

تیه كال. 

#خرم_سعیدی تیر ٩٥ خورشیدیِ


برچسب ها: شعر لری ، شعر لری بختیاری ، شعر نو لری ، شعر نو بختیاری ، خرم سعیدی ، تیه كال ،

جمعه 11 تیر 1395

نمیرا مرد

   نوشته شده توسط: خرم سعیدی    

خرم سعیدی:

" شعری برای شهرام محمدی،قهرمان ملی " 

" نمیرا مرد "

مردم ایل سالیان دگر
دیگ دلشان به جوش 
تا گلاب خون را 
با آب و آینه 
به راه دراز مژگان بدرقه كنند 
و راهی دشت قحطی زده مردانگی نمایند 
تا جنگل سفید رخسار 
بر ریزگردهای تحمیلی ظفر یابد
و همانند بلوط زاگرس 
به عزای عزیزترینشان ننشاند 
در سوگ سیاوشان ایل.

#خرم_سعیدی تیر٩٥


برچسب ها: شعری برای شهرام محمدی ، نمیرا مرد ، خرم سعیدی ،

چهارشنبه 9 تیر 1395

ولات گل

   نوشته شده توسط: خرم سعیدی    

خرم سعیدی:

" ولات گل " 

تَش وُ تُنگی وُ نَم اَورِ بهاری

لِورگِ باد زیر سایه ساری 

جِهون رِنگ اِی زَنه یا وادیاری 

گُلا اَقه دِرن بالایِ خاری 

وِ شیواتِ یَكِن سوز وُ پیاری 

تَشِ گُل وَسه مینِ كُول كِناری 

گُل و لَئله رَوون مِن مَرغزاری 

اِنالن بُوندِیَل چی مرغِ زاری 

وِ رُو اِیخُونه كوگی یار یاری 

علف مُل داده یَك چَندِ چناری 

رَوونه جُورِ ماری چَشمه ساری 

وِ دل نی مَنه دی صَور وُ قراری 

بهشته وَسه مینِ كُهسارى 
  
گِمونم زِنده اِی بُو مرده پاری 
اَیر بینه ولات بختیاری
#خرم_سعیدی تابستان ٩٥خورشیدی


برچسب ها: شعر لری بختیاری ، شعر محلی بختیاری ، شعر لری ، شعر بخیاری ، ولات گل ، خرم سعیدی ،