دوشنبه 26 بهمن 1394

كارون و آسمون

   نوشته شده توسط: خرم سعیدی    

امروز سركار خانم محمدی از سر لطف عكسی را از منطقه سوسن در یكی از گروه ها نشر دادند. با دیدن آن منظره چشم نواز این كلمات قلمی گردید.

" كارون و آسمون"

رُوِ كاروون شُت وُ زیر

ری وِ مالِ آسمون رَه اِی رَه

آسمون وَی جِلوس

دَرِ حُونه بغلِس واز بِ كِی

تیسون رنگِ یك و مینِ یكه.

باد دَونی خَوَرِ داد وِ كُه

دل وِ دریا اِی زَی

كُه حَسید بی پُرِ بُرگس كِر وُ دی

رَه شَوِ پیش اِگری.

مَه وِ دیوارِ بُلُند ،خُونِ بالا اِكشی

زیرِ سینه شَوِ شَه،سینه خیز رَه اِ بُری

تیه مَه وَس وِ اَو،چی چِرا بِرچ اِی زَی
اَو سَر.ِ مَه نِ بُری

هُونه اِشكند وُ بُوُردِس وا خُوس.

"زمستان ٩٤ خرم سعیدی"


برچسب ها: شعر لری بختیاری ، شعر بختیاری ، شعرلری ، خرم سعیدی ، كارون آسمون ،

جمعه 23 بهمن 1394

كُرگَلِ دایلِ ایل

   نوشته شده توسط: خرم سعیدی    

" كُرگَلِ دایلِ اِیل"

رَش اَوی گندم وُ جُو

باد اَوشُوند طلایالِ هُنُو

نُورِ اَفتو كِه وِ دَشت وُر اِی گَشت

پنَجه وُر پَنجه دِرَدا اِی دا

اَوِ چی مرواری،قِر اِدا شَولارس

كُتِ زیری اِی رَه

قَهقهِ كَوگ وُ تُهی

تَنگِ نا بی منِ سَر

وا غُروری سَر خَش

گله كَل وَی نُكِ دِر

پازَنِ خَوردهِ سال

دَور وُ بان سَیل اِی كِی

گَه گهی وا سُمِ دَس

پُوسهٍ سایه گَهر اِی خارنی.

سال، سالِ علی عسكر خانی

پُرِ پُر بی وِ سِتم

اُردیِ مِرگَلِ اِیل

تیه تا بُر اِی كِی

كُله تَمنیده وُ بِرنَو واشُون

جَنگ كُنِ بی سنگر،بَچه یَل هِشته وِ مال

سَرْ وَرداشتِ وِ ظُلمِ گِرون

چِه كُنه فَرخ هُو كِه اِی كُنه وا ظالم جنگ

كُرِ كُل دایَلِ اِیلِ وِ وُلات.

"خرم_سعیدی زمستان٩٤ "


برچسب ها: شعر نیمائی لری ، شعر نیمائی بختیاری ، شعر لری بختیاری ، كرگل دایل ایل ، خرم سعیدی ،

دوشنبه 19 بهمن 1394

فرمان فردا

   نوشته شده توسط: خرم سعیدی    

" فرمان فردا "

در جنگل دمناك دهر
در خاموش ترین ساعت
مار زنگی عقربكهای چسبیده زندگی
زنگ می زند.
بانوی خشمگین شب
زیر پوست فروتنی
چشم گردان كار بزرگی است
تا نور كلامی بیاشوبد
این خود بافته را
در تنهاترین شبانگاه
و فرمانی براند برای آتی

" خرم سعیدی زمستان٩٤ "


برچسب ها: فرمان فردا ، شعر سپید ، خرم سعیدی ،

پنجشنبه 15 بهمن 1394

تَرس وُ تُرس

   نوشته شده توسط: خرم سعیدی    

شَونِه شَه تَر كشی
اَونِه گِل آلی تَر
تا قیل تر بِسِگاهه
وُ بِتَرسیم
علازنگی لاكردار
نَونه ماری كِه ایمانه زَی
یَه رنگ نی سِه پیسه یه.

" خرم سعیدی"


برچسب ها: تَرس وُ تُرس ، شعر نو لری بختیاری ، شعر نو لری ، شعری به زبان بختیاری ، خرم سعیدی ،

جمعه 9 بهمن 1394

مردم كار

   نوشته شده توسط: خرم سعیدی    

" مردمِ كار "

خط خون ریخته بر فرش سما
نور زد تكیه به تاریكی دهر
آشیانش بگرفته آتش
شاه نورش لب چاه شب اسیر
كژدمین تیغ نگاهش بنوازد، خورشید.
كشتگر مردی چند
داس غم تیز كند
تیز تازاند خشم
جای دست،لب بگشادند به فریاد دراز
بارها چوب ستم را كشتیم
زخمگین ستم دورانیم
تا زمین بود و زمان،بود ستم
آسمان سهم بلندش نه ز ماست
و بیابان سیاه یكسره وهم انگیز است
نور در روز برایم چه غریب است غریب
مثل اخگر گذرد تند و شبش باز رسد
ماه ما،گنگ و ورم كرده دلش بیمار است
صبح ما،مانده به پشت در آن قله شب
خوشی از خاطر ما پر بسته
و غروبی به غبار اندود است
بهره ی زندگی مردم كار.

" خرم سعیدی زمستان٩٤ "


برچسب ها: مردم كار ، خرم سعیدی ،

پنجشنبه 8 بهمن 1394

چَپَو

   نوشته شده توسط: خرم سعیدی    

" چَپَو "

پشتِ افتو اِشكس
نُور جُور بُزِ كُهی، تند تند ای دونی
بادِ نَرم چی تنِ مار،سَر وُ گوش ای جُمنی
سایه سار هُو پَسین
خُوسه ری كاكُلِ بیون سیا ای ساهی
چند مِرد چی نَره غول
حظرات پسِ قاروون بنشین
واتفنگا سر دس،تیر تفنگ ای كردن
گله وَی بی وِ پِنه
سگ گله وِ شتاو
چی ستاره كِه بِكَنِه، هُو وِ دَو
جِلوِ مٍردِ غَریوِ ای بَس
وا یه تیر وَس وُ پِر وُ پیت ای كی
چارپایَل مِنِ مال سَرگَردو
شِهنه سخت اِ كردن وا یك
زِنگل ای گُون حَرمی زید وِ مال
لیك وُ چِر ای كِردن
اِستمِ زیر بیون خَونیدن
وُ بِرُمنین سَرِ تَلواره
تا تَریده نَبره
گله رَمه وُ كُلِ چارپایل
جَم بِكردن وَرُواندن اُونُو
گفترِ ای حضرات هی ایگو
تُو بِرون غارتله تا مو بخونم یه نماز
سال تنگ وُ همه جا قحط وُ قلا
آسمون دسس حشك،یه نمی پس نی دا
هُو كُلُو وَیده بخوره كُل علیق.
لَو وِ لَو قُلف بِزی خَرپنجه
اِنِیشت دینِ كُلِ دار وُ ندارس كِه ابردن اُونو.
پاسوون روز بدا جاسه وِ شَو
آساره وِ خجالت ای مال
سَرِ بُرده پَسِ اَور، عَرقِ سَرد وِ تیگ مینِ زِمِسُونِ سیا.

" خرم سعیدی زمستان٩٤"


برچسب ها: شعر نیمایی بختیاری ، شعر نیمایی لری بختیاری ، شعر نیمایی لری ، چپو ، تریده ، خرم سعیدی ،

دوشنبه 5 بهمن 1394

دنگ زمونه

   نوشته شده توسط: خرم سعیدی    

" دنگ زمون "

نورِ نیمه جون،آروم

جُورِ بَرد گِلال،بی دُونگ

وِ چنگِ آسمون گُرو.

دیوارِ كُورِ تا اَبَد شَو

چی دالِ گُسنه،دیُون گُشی

مُستِ دُرشتِ كُه

پِنَه بیاوون

دَر حُونه زُمینِ اِی كُفت وِ راز

دیونِ شَونِ ای بَفت

آسمون وِ كُه ای نیشت

كُه وِ آسمون

درد،من سَرسُون ای پیتست

هَر دُو سُون،غَریونه غَم وِ دِلن

وِ دَنگِ زَمونه.

" خرم سعیدی زمستان٩٤"


برچسب ها: شعر نو لری ، شعر نو بختیاری ، شعر نو لری بختیاری ، دنگ زمونه ، خرم سعیدی ،