شنبه 10 تیر 1396

خَوپلا

   نوشته شده توسط: خرم سعیدی    

خرم سعیدی:
"خَوپلا "
*نوعی شعر گویشی شبیه بحر طویل*

کُهِ لَو تشنه دلِ تنگ وِ گرمای توستون،بنشسته وِ کُپِ چاله صَرا کِه پُرس خارخُلونه کِه تُکه وِ جیرس خین رَوونِ وِ منِ دشت وُ بیاوون.
گَو یَو تُو بِنه بادِ چپی دِر اِخوره دَورِ سَر ایچو،بلند ایبوه چی دیو،تنیره اِکشه،کُور کُنه تیهِ هر کی کِه تیس وازه وُ قُلف ای زنه لوا،کِه وا کور بُوی وِ کَر وُ آرُم بری وُ یای ، مثِ یه کلِ دَهولی کِه یه بِنگشت نَترسه وِ وَرت مینِ زمونه.
تَش وَسه وِ ایچو،تُو اگوی دالوِ پوز بسه نشسته سرِ خَل کرده وُ واگیل جوس باد زَنه تا تشِ چالس بگره جون،وَنه دیلق وُ سُوسه کلِ ای دار وُ درهدای ولاته،گهِ گاهی،دیِ ای چاله اِره مینِ تیس سُور ابو خَرس اریزه،کنه نرفین وُ اکفنه،وُ هی سینه کُوِه،غُر ازنه کِه،کُر یاین بنیرین یُو چه روزیه کِه چی شَوِ سیاهه،همس آلیده،نفس گِر، وریسه وِ سرِ پا وُ اغارنه: هالو مُو دلم خینه وِ ای کهنه ولاتا کِه پرس نکبت و شیمه شوِ شهی منِ پوزانه گریده،کی دیده بهاری علفس شه بوه،ای گوی کِه بخونده ککاونگی وِ سرِ هر شُکه بُرگی منِ ای مِلک ، و یا رِهدنه خاک آدمِ مُرده وِ منِ  هُو،که رُومسته سرِ یک،شَوس اِز روز بتر، روز وِ شو لیشتره ایچو.... فیچم مُو وِ خو باز تیه دِونم خُومِ تک بینم و تینا،سرم اینم مث دیه  وُ اخوسم.

#خرم_سعیدی تابستان۹۶خورشیدی

Ayapir2.ir

Telegram.me/khorram_saeedi


برچسب ها: خرم سعیدی ، شعر لری ، شعر بختیاری ، شعر نو لری ، شعر نو بختیاری ، نوعی بحر طویل بختیاری ،

How do you get a growth spurt?
یکشنبه 15 مرداد 1396 05:49 ب.ظ
I've been surfing online more than 2 hours today, yet I never found any interesting article like yours.
It is pretty worth enough for me. Personally, if all webmasters
and bloggers made good content as you did, the web will be a
lot more useful than ever before.
http://katrinapih.wordpress.com/
جمعه 6 مرداد 1396 08:24 ب.ظ
If some one desires to be updated with latest technologies afterward he must be go to see this site and be up to date all the time.
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.